Margaret Nicholl Laird | Susan Higgins | George Piercy | John Cutting Berry | James Herbert Lorrains | Missionary Life History in Tamil

=============================

மார்கரெட் நிக்கோல் லைர்ட்

Margaret Nicholl Laird

=======================

மண்ணில்: 31.07.1897

விண்ணில்: ஜூன் 1983

ஊர்: கொலராடோ

நாடு: அமெரிக்க ஐக்கிய நாடுகள்

தரிசன பூமி: மத்திய ஆப்பிரிக்கக் குடியரசு

வேதாகமத்தை வெவ்வேறு மொழிகளில் மொழிபெயர்க்க பல விதமானவை தூண்டுதலாக உள்ளன. 25 வயதான இளம் மிஷனரி ஒருவர் மத்திய ஆப்பிரிக்கக் குடியரசில் உள்ள பங்காசௌ என்ற இடத்தில் மக்களுக்கு படிக்கவும் எழுதவும் கற்றுக்கொடுக்கிறார். மிகவும் விடாமுயற்சியாக உழைத்த பிறகு, அவருடைய மாணவர்களில் ஒருவர் யோவான் 3:16ஆம் வசனத்தைப் படிக்க முடிந்தது. உடனே அந்த மாணவர் "காகிதம் என்னிடம் பேசியது!” என்று ஆச்சரியத்தில் கத்தினார். அதற்கு மிஷனரி “ஆம், அது உமக்காக தேவனின் அன்பின் செய்தி” என்று பதிலளித்தார். “தேவன் என் மொழியைப் பேசுவாரா?” என்பது அந்த மாணவரின் அடுத்த கேள்வி. அந்த கேள்வி சாங்கோ மொழியில் வேதாகமத்தை மொழிபெயர்க்க அந்த மிஷனரியை தூண்டியது. இளம் பெண்மணியான அந்த மிஷனரி மார்கரெட் நிக்கோல் லைர்ட்.

பக்தியுள்ள ஒரு கிருஸ்தவ குடும்பத்தில் வளர்ந்த மார்கரெட், ஒரு மருத்துவ மிஷனரியாக மாற விரும்பினார். அவர் டென்வரில் நர்சிங் படிப்பைத் படித்தார். விசுவாசத்தை மட்டுமே சார்ந்து கர்த்தரின் ஊழியம் செய்ய ஹட்சன் டெய்லரால் ஈர்க்கப்பட்ட அவர், பாப்டிஸ்ட் மிட்மிஷனில் சேர்ந்தார். அது அவரை மத்திய ஆப்ரிக்காவின் உபாங்கிஷாரி என்ற இடத்திற்கு அனுப்பியது. அங்கு அவர் மற்றொரு மிஷனரியான கை லைர்ட் அவர்களை மணந்தார். அடுத்த 30 ஆண்டுகளுக்கு அந்த தம்பதியினர் இருவரும் வேதாகமத்தை சாங்கோ மொழியில் மொழிபெயர்த்தனர்.

அக்காலத்தில் அங்கு அதிகாரத்தில் இருந்த பிரெஞ்சு அரசாங்கம் அந்த மிஷனரி தம்பதியினரின் தைரியத்தால் ஈர்க்கப்பட்டு, ஐப்பி என்ற இடத்திலுள்ள பண்டா பழங்குடியினரிடையே பணியாற்றும்படி அவர்களை கேட்டுக்கொண்டது. பண்டா பழங்குடியினர் முன்பு மூன்று பிரெஞ்சு மிஷனரிகளை விழுங்கிய கொடூரமான நரமாமிசவாதிகள். என்றபோதிலும், அந்த காட்டுமிராண்டிகளிடையே பணியாற்ற ஜெபத்துடன் ஒப்புக்கொண்டனர் லைர்ட் தம்பதியினர்.

ஜப்பியில் மார்கரெட்டின் முதல் அனுபவம் பயங்கரமானது. அந்த கிராமவாசிகள் அவரது தலைவரை அவருடைய 300 மனைவிகளுடன் உயிருடன் புதைப்பதை மார்கரெட் கண்டார். எனினும், அவர் பயமின்றி மிகுந்த அன்புடன் உள்ளூர் மக்களை தன் வீட்டிலும் வாழ்க்கையிலும் அழைத்தார். அவர் நோய்வாய்ப்பட்டவர்களுக்கும் இறப்பவர்களுக்கும் மருத்துவ சேவைகளை வழங்கும்போது தன் பாதுகாப்புக்காக கர்த்தரின் இறையாண்மையை மட்டுமே நம்பியிருந்தார். ஒருமுறை அவர் ஒரு கிராமத் தலைவரை குணப்படுத்தினார். பின்னர் அந்த தலைவர் கிராமவாசிகளை இரட்சிப்பின் பாதை நோக்கி வழிநடத்துவதில் முக்கிய பங்கு வகித்தார்.

அப்பகுதியில் மருத்துவமனைகள் இல்லாததால் மார்கரெட் தனது கணவரை இழந்தார். அது அவரை ஏமாற்றவில்லை, எனினும் “ஆண்டவரே, எனக்கு ஜப்பியில் மருத்துவமனை கொடுங்கள்' என்று அவரை ஜெபிக்க வைத்தது. தனது 40 வருட ஊழியத்தின் முடிவில் அவர் அங்கு ஒரு மருத்துவமனையை நடத்துவது மட்டுமல்லாமல், ஒரு நர்சிங் பயிற்சித் திட்டத்தையும் தொடங்கினார். அவர் 1964ஆம் ஆண்டில் அமெரிக்கா திரும்பினார். தான் சேவை வழங்கிய ஆப்பிரிக்க மக்களால் "கோட்டா மாமா” (பெரிய அம்மா) என்று அன்புடன் அழைக்கப்பட்ட மார்கரெட் நிக்கோல் லைர்ட், 1983ஆம் ஆண்டில் கர்த்தரில் ஓய்வு அடைந்தார்.

BenjaminForChrist @ +91 9842513842

நன்றி: V. வீர சுவாமிதாஸ்

=====================

சூசன் ஹிக்கின்ஸ்

Susan Higgins

=================

மண்ணில் : 1842

விண்ணில் : 03.07.1879

ஊர் : மெயின்

நாடு : அமெரிக்க ஐக்கிய நாடுகள்

தரிசன பூமி : யோகோகாமா, ஜப்பான்

அமெரிக்காவை சேர்ந்த சூசன் ஹிக்கின்ஸ் ஜப்பானில் பணியாற்றிய ஒரு முன்னோடி பெண் மிஷனரி ஆவார். கிறிஸ்தவ போதகர்களின் குடும்பத்தில் பிறந்த அவர் கர்த்தருக்கு பயப்படும் பெண்ணாக வளர்ந்தார். சூசனின் குழந்தைப் பருவத்தில் இறந்த அவரது தாயார் சாரா ஹிக்கின்ஸ் அவருக்கு ஆவிக்குரிய முன்மாதிரியாக இருந்தார். “எனக்கு பதினொரு வயதாக இருந்தபோது, என் இரட்சகரின் காயமடைந்த கைகள் என் இதயத்தின் கதவை மெதுவாகத் தட்டியதை நான் தெளிவாக நினைவில் வைத்திருக்கிறேன்" என்று சூசன் தனது இரட்சிப்பின் அனுபவத்தைப் பற்றி கூறினார்.

கிறிஸ்தவ அனுபவத்தின் ஆரம்பத்தில் அவர் மிஷனரி சேவையில் அதிக ஆர்வம் காட்டினார். பள்ளிப்படிப்பை முடித்த பிறகு, ஒரு நாள் கர்த்தர் தன்னை ஊழியத்திற்கு அழைக்கலாம் என்ற எண்ணத்தில் அவர் மகிழ்ச்சியடைந்தார். சில சமயங்களில் திருச்சபையில் காணிக்கைக்காக அறிவிக்கப்படும் போது, அவர் சொந்தப் பணம் இல்லாத ஒரு இளம் பெண்ணாக இருந்ததால், “நான் என்னையே அர்ப்பணிக்கிறேன்" என்று எழுதி அதை காணிக்கைப் பெட்டியில் வைக்க ஆசைப்படுவார். இருப்பினும், அவருடைய கூச்சமும் மற்றும் கர்த்தருக்கு சேவை செய்ய தான் தகுதியற்றவள் என்ற எண்ணம் அவரை மிஷனரி சேவைக்கு அர்ப்பணித்துக்கொள்ளாமல் தடுத்தது.

1878ஆம் ஆண்டில் ஒரு நாள் அவர் 'உமென்ஸ் ஃபாரின் மிஷனரி சொசைட்டி' (டபிள்யூ.எஃப்.எம்.எஸ். பெண்கள் வெளிநாட்டு மிஷனரி சங்கம்) கூட்டத்தில் கலந்து கொண்டார். அப்பொழுது எதிர்பாராமல் ஒரு பெண்மணி சூசனிடம் வந்து, “நாங்கள் உங்களை சிறிதுக் காலம் மிஷனரியாக அனுப்பலாம் என்று நினைக்கிறேன்" என்று சொன்னார்கள். "எப்பொழுது வேண்டுமானாலும் சரி” என்பது சூசனின் உடனடி பதில். விரைவில், டபிள்யூ.எஃப்.எம்.எஸ். அமைப்பு ஜப்பானின் யோகோகாமாவில் பணியாற்ற சூசனை அனுப்பியது. கிறிஸ்தவர்களுக்கு இது மிகவும் கடினமான இடமாக இருந்தன.

சூசன் 1878ஆம் ஆண்டு நவம்பர் மாதத்தில் யோகோகாமாவை அடைந்தார். உடனடியாக அவர் ஜப்பானிய மொழியைக் கற்கத் தொடங்கினார். அங்கு அவர் ஆங்கில ஆசிரியராகப் பணியாற்றினார் மற்றும் குழந்தைகளுக்காக ஞாயிறு பள்ளியையும் நடத்தினார். சில மாதங்களுக்குள் அவர் ஜப்பானிய மொழியில் வேதாகம வகுப்புகளையும் நடத்த ஆரம்பித்தார். அவருடைய கவனம் குழந்தைகளை கிறிஸ்துவிற்காக அதாயப்படுத்துவது மட்டுமல்லாமல், அவர்கள் தங்கள் வீடுகளிலும் சமூகங்களிலும் தனித்த சாட்சிகளாக நிற்க அவர்களை ஊக்குவிப்பதிலும் அவர் கவனம் செலுத்தினார். அவர் பள்ளி நோக்கங்களுக்காக அருகிலுள்ள கிராமங்களுக்குச் சென்றபோது, அந்த சந்தர்ப்பங்களை சுவிசேஷம் அறிவிப்பதற்கான வாய்ப்புகளாகப் பயன்படுத்தினார்.

ஆனால் சேவை செய்த ஒரு வருடத்திற்குள், அவர் எதிர்பாராமல் நோய்வாய்ப்பட்டார். தன் நேரம் வந்துவிட்டதென்று உணர்ந்த அவர், தன்னைச் சுற்றி குழந்தைகளைக் கூட்டி ஒரு பாடலைப் பாடச் சொன்னார். குழந்தைகள் கடைசி சரணத்தை பாடிக்கொண்டிருந்தபோது கர்த்தரில் நித்திய ஓய்வை அடைந்தார் சூசன் ஹிக்கின்ஸ்.

` பிரியமானவர்களே, உங்கள் காணிக்கைகளை விட கர்த்தர் உங்கள் சேவையை விரும்புகிறார் என்பதை நீங்கள் கவனத்தில் வைத்திருக்கிறீர்களா?

"கர்த்தாவே, நான் என்னையே உமக்கு அர்ப்பணிக்கிறேன். உமது மகிமைக்காக என்னைப் பயன்படுத்தும். ஆமென்!"

*******

BenjaminForChrist @ +91 9842513842

*******

நன்றி: V. வீர சுவாமிதாஸ்

=================

ஜார்ஜ் பியர்சி

George Piercy

============

மண்ணில் : 1829

விண்ணில் : 1913

ஊர் : யார்க்ஷயர்

நாடு : இங்கிலாந்து

தரிசன பூமி : கான்டன் மாகாணம், சீனா

வேதாகமத்திலுள்ள எலிசாவைப் போலவே, ஜார்ஜ் பியர்சியும் யார்க்ஷயரில் ஒரு விவசாயியாக வாழும்போது, சீனாவில் கடவுளின் தோட்டத்தில் அறுவடை செய்பவராக பணியாற்ற அழைக்கப்பட்டார். அவர் கிறிஸ்துவுக்கு தனது வாழ்க்கையை அர்ப்பணித்ததிலிருந்து வெஸ்லியன் திருச்சபையில் செயல்பாடுகளில் தீவிரமாக இருந்த அவர், பெரும்பாலும் வெளிநாட்டில் கர்த்தரை சேவிப்பது பற்றி யோசித்தார்.

அந்த சமயத்தில் சீனாவில் மிஷனரி சேவைக்காக வாசல் மெதுவாகத் திறக்கப்பட்டிருந்தன மற்றும் வெஸ்லியன் திருச்சபை ஊழியத்திற்காக அங்கு இன்னும் யாரையும் அனுப்பவில்லை. பியர்சிக்கு சீனாவில் சேவை செய்ய கர்த்தரிடமிருந்து தெளிவான வழிகாட்டுதல் இருந்தது. அவர் அறிந்த அனைவரிடமிருந்து பல்வேறு ஊக்கமின்மைகள் அவர் எதிர்கொண்டபோதிலும், பின்வாங்காத பியர்சி, லண்டன் சென்று, அங்கு வெஸ்லியன் மிஷனரி சொசைட்டியின் செயலாளரை சந்தித்தார். சேவைக்காக இளைஞரான பியர்சி கொண்டிருந்த ஆர்வத்தை பார்த்து சொசைட்டி அவரை நம்பியிருந்தாலும், சீனாவில் ஒரு மிஷனைத் தொடங்க அவர்களிடம் பணம் இல்லை.

அதினால் பியர்சி மனம் அதிலிருந்து விலங்கிப்போனதா? இல்லை! தன்னை அழைக்கிறவர் உண்மையுள்ளவர் என்பதை நன்கு அறிந்திருந்த அவர், தனது சொந்தப் பணத்துடன் சீனா செல்ல கப்பலில் ஏறினார். சீனாவில் அவருக்குத் தெரிந்தவர்கள் யாரும் இல்லை, எப்படி அங்கு வாழப்போகிறார் என்று கூட அவருக்கு ஒரு யோசனை இல்லை. இருப்பினும், விசுவாசத்தை மட்டுமே சார்ந்து எதுவும் தெரியாத அந்த திசையில் புறப்பட்டு 1851ஆம் ஆண்டில் ஹாங்காங்கை அடைந்தார் பியர்சி.

சிறிது காலம் அவர் ஆங்கிலேய வீரர்களைச் சந்தித்து அவர்களுக்கிடையே ஊழியம் செய்தார். இருப்பினும், அவரது அழைப்பு அழிந்துபோகின்ற சீனர்களுக்காகவே தவிர கிறிஸ்துவை அறிந்திருந்த வீரர்களுக்காக அல்ல என்பதை அவர் அறிந்திருந்தார். எனவே, அவர் கான்டன் மாகாணத்திற்குச் சென்று, புறஜாதிகளிடையே ஒரு தீவிரமான ஊழியத்தைத் தொடங்கினார். அவர் இன்னும் கான்டனீஸ் மொழியை கற்றுக்கொண்டிருந்தபோதே, அவர் ஒரு மொழிபெயர்ப்பாளரின் உதவியுடன் சுவிசேஷத்தைப் பிரசங்கிக்கத் தொடங்கினார். உள்ளூர் மக்களிடமிருந்து எதிர்ப்பை எதிர்கொண்டாலும் மற்றும் அவரது சக ஊழியக்காரர்கள் மரணமடைந்தாலும், அவர் அம்மக்களிடையே விடாமுயற்சியுடன் பணியாற்றினார். அவரது முயற்சிகள் மூலம் படிப்படியாக கான்டன் மாகாணம் முழுவதும் தேவனின் இராஜ்ஜியம் பரவியது.

அவர் காட்டிய உன்னதமான மாதிரி ஐரோப்பாவில் பல மெதடிஸ்டுகளை ஊக்கப்படுத்தியது. எனவே, அவர்கள் சீனாவுக்கு வந்து ஊழியத்தை விரிவுபடுத்தினர். சீனாவில் தனது 31 வருட சேவையின் போது அவர் சந்தித்த கஷ்டங்களை அமைதியாக சகித்துக்கொண்ட பியர்சி, அந்த காலக்கட்டத்தில் தனது அன்பான மனைவி மற்றும் குழந்தைகளையும் இழந்தார். இருப்பினும், விக்கிரகாராதனை செய்யும் சீனர்களை உண்மையான தேவனிடம் கொண்டு வர அவர் தனது ஆர்வத்தை என்றும் இழக்கவில்லை.

தனது 81 வயதில் இங்கிலாந்து திரும்பிய ஜார்ஜ் பியர்சி, 1913ஆம் ஆண்டில் மரணமடையும் வரை கர்த்தரின் ஊழியத்தை தொடர்ந்து செய்தார்.

பிரியமானவர்களே, நீங்கள் ஊக்கமின்மைகளை எதிர்கொள்ளபோது உங்கள் மனம் விலங்கிப்போகிறதா?

”கர்த்தாவே, உங்களுக்காக ஆத்துமாக்களை ஆதாயப்படுத்துவதற்கான

தாகத்தை என்னில் புதுப்பியும் ஆமென்!"

*******

BenjaminForChrist @ +91 9842513842

*******

நன்றி: V. வீர சுவாமிதாஸ்

===================

ஜான் கட்டிங் பெர்ரி

John Cutting Berry

=====================

மண்ணில் : 16.01.1847

விண்ணில் : 09.02.1936

ஊர் : மெயின்

நாடு : அமெரிக்கா

தரிசன பூமி : ஜப்பான்

கிறிஸ்தவர்கள் கடினமான காலங்களில் இருந்த வெளிநாட்டில் கவுரவிக்கப்பட ஒரு மிஷனரியாக இருப்பது எளிமையான ஒன்றல்ல. ஜான் கட்டிங் பெர்ரி ஒரு அமெரிக்க மருத்துவ மிஷனரி ஆவார், அவர் ஜப்பானிய அரசாங்கத்தின் கவுரவமான விருதான புனித புதையலை (3 ஆம் வகுப்பு) பெற்றார். ஜப்பானியர்கள் அவரது வாழ்க்கை வரலாற்றை வெளியிட்டனர், இது ஜப்பானியர்களால் எழுதப்பட்ட ஒரு அமெரிக்கரின் முதல் சுயசரிதை ஆகும், அவர்கள் அவரை ஜப்பானில் சிறை சீர்திருத்தத்தின் தந்தை என்று கருதினர்.

பெர்ரி நான்கு வயதாக இருந்தபோது தனது தந்தையை இழந்தார் மற்றும் பதினொரு வயதிலிருந்தே தனது வாழ்க்கைக்காக வேலை செய்யத் தொடங்கினார். அவருக்கு இருபது வயதில், அவர் சென்ற கப்பல் புயலில் சிக்கியது. பேரிடரில் இருந்து தப்பிய அவர், கடவுள் தன்னை ஒரு நோக்கத்திற்காக காப்பாற்றினார் என்று நினைத்தார் மற்றும் கடவுளின் சேவைக்காக தனது வாழ்நாள் முழுவதையும் அர்ப்பணித்தார்.

பல மிஷனரிகளைப் போலவே, பெர்ரியும் ஆன்மீக குணப்படுத்துதலுக்கான வழிமுறையாக மக்களின் உடல் வேதனையை ஆற்றத் தேர்ந்தெடுத்தார். மருத்துவப் படிப்பில் பட்டம் பெற்ற பிறகு, அவர் 1872 இல் ஜப்பானுக்கு வந்தார். பெர்ரி கோபி சர்வதேச மருத்துவமனையின் மருத்துவ இயக்குநராகப் பணியாற்றினார். அவர் ஏழைகளுக்கு பைபிளிலிருந்து வாசிப்பதைக் கேட்டால் அவர் தனது சேவைகளை இலவசமாக வழங்கினார். பெர்ரி கோபியில் ஏழைகளுக்காக ஒரு மருத்துவமனையையும் நிறுவினார். ஜப்பானிய மருத்துவர்களுடன் சேர்ந்து, ஜப்பானின் முதல் தொண்டு மருத்துவமனையை சாண்டாவில் நிறுவினார்.

1873 இல், அவர் கோபேயில் உள்ள சிறைச்சாலைக்குச் சென்றார் மற்றும் கைதிகளின் கொடூரமான நிலைமைகளைக் கண்டு பரிவுடன் இருந்தார். பின்னர் அவர் சிறை அமைப்பை சீர்திருத்த ஆளுநரிடம் முறையிட்டார். அவரது அடிச்சுவடுகளைப் பின்பற்றி பல மிஷனரிகள் சென்றனர். இது ஜப்பானில் சிறை சீர்திருத்த இயக்கத்திற்கு வித்திட்டது. ஒசாகா, கியோட்டோ, ஹியோகோ மற்றும் ஹரிமா ஆகிய இடங்களில் உள்ள சிறைகளையும் அவர் ஆய்வு செய்தார். அவரது அறிக்கைகள் ஜப்பானிய சிறை அமைப்பில் மாற்றங்களுக்கு பங்களித்தன.

ஜப்பானில் பல இடங்களில் அயராது உழைத்த பிறகு, 1894 இல் பெர்ரி அமெரிக்கா திரும்பினார். 88 வயது வரை, அவர் தொடர்ந்து மருத்துவ சேவைகளை வழங்கினார் மற்றும் ஏழைகளுக்கு எப்போதும் இரக்கம் கொண்டிருந்தார். அவர் தனது 89வது வயதில் இறைவனிடம் ஓய்வெடுத்தார்.

பிரியமானவர்களே, நீங்கள் பாவத்தின் புயல் மற்றும் நித்திய மரணத்தின் பேரழிவிலிருந்து காப்பாற்றப்பட்டு உள்ளீர்கள். அதற்கான இறைவனின் நோக்கத்தை உணர்ந்து விட்டீர்களா?

”கர்த்தாவே, என்னைக் காப்பாற்றியதற்கு நன்றி. எஞ்சியிருக்கும் வாழ்வை உமக்காக சேவையாற்றுவேன். ஆமென்!"

*******

BenjaminForChrist @ +91 9842513842

*******

நன்றி: V. வீர சுவாமிதாஸ்

================

ஜேம்ஸ் ஹெர்பர்ட் லோரெய்ன்

James Herbert Lorrains

===================

மண்ணில் : 06.02.1870

விண்ணில் : 01.07.1944

நாடு : இங்கிலாந்து/

தரிசன பூமி : வடகிழக்கு இந்தியா

1890 ஆம் ஆண்டில், ஆபத்தான மிசோ பழங்குடியினரால் கடத்தப்பட்ட ஆறு வயது பிரிட்டிஷ் சிறுமியின் கதை செய்தித்தாளில் வெளியிடப்பட்டது. ஒரு கிறிஸ்தவ தந்தி வாசிப்பாளர் மிசோ பழங்குடியினர் மீது கோபமாக இல்லை, ஆனால் கிறிஸ்துவுக்காக தங்கள் வாழ்க்கையை மாற்றுவதற்கான சுமை நிரம்பியது. அவர் ஜேம்ஸ் ஹெர்பர்ட் லோரெய்ன் ஆவார். இவர் இந்தியாவின் வடகிழக்கு பழங்குடியினர் மத்தியில் தனது ஊழியத்திற்காக அறியப்பட்டவர்.

லோரெய்ன் ஒரு தெய்வீக இளைஞன் மற்றும் லண்டனில் ஒரு வெற்றிகரமான வேலையைப் பெற்றான். இருப்பினும், மிசோ பழங்குடியினருக்கான கடவுளின் அன்பு அவரை வேலையை ராஜினாமா செய்ய கட்டாயப்படுத்தியது. அவர் 1891 இல் கல்கத்தாவிற்கு வந்து, மிசோ பழங்குடியினருக்கு இதேபோன்ற சுமையைக் கொண்டிருந்த ஃபிரடெரிக் வில்லியம் சாவிட்ஜை சந்தித்தார். அவர்கள் இருவரும் மிசோரம் அடையும் வரை மிகவும் ஆபத்தான பயணத்தைத் தொடர்ந்தனர்.

திரிபுரா வழியாக மிசோரத்தை அடையும் லோரெய்னின் முதல் முயற்சி, அந்தப் பிராந்தியங்களில் தொடர்ந்த பழங்குடிப் போர்களால் வெற்றிபெறவில்லை. எப்படியோ, அவர் ஐஸ்வாலுக்கு அருகிலுள்ள கிராமமான கசலோங்கை அடைந்து, நகரத்திற்கு வெளியே தனது கூடாரத்தை அமைத்தார். தனது எஜமானரின் படிகளில் நடக்கத் தேர்ந்தெடுத்த லோரெய்ன், இந்த மக்களை நற்செய்தியுடன் அடைய பல மாதங்கள் நகரத்தின் வாயில்களுக்கு வெளியே துன்பப்பட்டார். இறுதியாக 1894 ஜனவரி 11 அன்று ஐஸ்வாலுக்குள் நுழைந்த இந்த இளம் மிஷனரியை தீவிர நோயால் தடுக்க முடியவில்லை. இந்த நாள் இப்போது மிசோராமில் மிஷனரி தினமாக அனுசரிக்கப்படுகிறது. இந்த பழங்குடியினரின் மீதான அவரது தாக்கம் அப்படிப்பட்டது.

ஆரம்பத்தில், மிசோ பழங்குடியினர் லோரைனா மீது சந்தேகம் கொண்டிருந்தனர் மற்றும் அவருடன் உள்ள தொடர்ப்பையும் தவிர்த்தனர். ஆனால் சிலர் தங்கள் லுஷாய் மொழியை சரளமாகப் பேசும் இந்த வெள்ளைக்காரனால் ஈர்க்கப்பட்டனர். விரைவில், லோரைன் சாவிட்ஜுடன் சேர்ந்து அவர்களின் மொழிக்கான எழுத்துக்களை உருவாக்கி, நற்செய்திகளை லுஷாய் மொழியில் மொழிபெயர்த்தார். கடவுளின் வார்த்தை மக்கள் மத்தியில் சக்திவாய்ந்த முறையில் பரவியது. ஒரு காலத்தில் காட்டுமிராண்டிகள், இப்போது விசுவாசமுள்ள, கல்வியறிவு பெற்ற மற்றும் முற்போக்கான சமூகங்களாக மாறினர்.

லோரெய்ன் தனது சகோதரர் ரெஜினால்ட் ஆர்தர் லோரெய்னுடன் சேர்ந்து லக்கர் பழங்குடியினருக்கு முன்னோடி பணிகளுக்கு தலைமை தாங்கினார். அவர் இரட்டை மதமாற்றத்தை நம்பினார், முதலில் புறஜாதிகளிடமிருந்து கிறிஸ்தவர்களாகவும், இரண்டாவதாக, கிறிஸ்தவர்களிடமிருந்து கிறிஸ்தவ தலைவர்களாகவும் மாறினார். இன்று, மிசோரம் அவரது முயற்சியால் பழங்குடி தேவாலயத் தலைவர்களைக் கொண்ட தன்னாட்சி தேவாலயங்களை வளர்ந்து வருகிறது.

பிரியமானவர்களே, உங்களின் கோபத்தை சமாளிக்கவும், உங்களை புண்படுத்தியவர்களுக்கு சேவை செய்யவும் உங்களால் முடியுமா?

”கர்த்தாவே, என்னை காயப்படுத்தியவர்களை உடனடியாக மன்னிக்கவும்,

உங்கள் அன்பைக் காட்டவும் எனக்கு உதவிசெய்யும். ஆமென்!"

*******

BenjaminForChrist @ +91 9842513842

*******

நன்றி: V. வீர சுவாமிதாஸ்