பாடல் பிறந்த கதை:
பத்தொன்பதாம் நூற்றாண்டில் யாழ்ப்பாணத்தில் இரண்டு பேரை கொலை செய்த குற்றத்திற்காக சுப்பிரமணி என்பவர் கைது செய்யப்பட்டு, வெளிக்கட சிறைச்சாலையில் அடைக்கப்பட்டார். அங்கு இவரை விசாரித்த நீதிபதி, கொலை குற்றத்திற்காக தூக்கு தண்டனையை விதித்தார்.
இந்நிலையில் இலங்கையிலுள்ள தெல்லிப்பழை எனும் ஊரில் இந்து சைவ மதத்திலிருந்து கிறிஸ்துவை ஏற்றுக்கொண்ட திரு பிரிக்கன்ரிட்ஜ் என்பவர் இலங்கயில் சிறைச்சாலை கைதிகள் மத்தியில் ஊழியம் செய்து வந்தார்.
ரிக்கன்பிரிட்ஜ், தூக்குத்தண்டனை விதிக்கப்பட்ட சுப்பிரமணியை சந்தித்து, அன்பாக பேசி, அவரை சமாதானப் படுத்தி, என்னை நேசிப்பவர் யாரும் இல்லையென்று கூறியவரிடம் இயேசு உங்களையும் நேசிக்கிறார் என்று கூறினார்.
இதைக்கேட்டசுப்பிரமணி, தன்னையும் ஒரு பொருட்டாக மதித்து நேசிப்பவர் எவரும் உண்டோ? என்று வியந்த அவர் நம்ப மறுத்து, உண்மைதானா? என்று வினவினார்.
இந்நிலையில் பிரிக்கன்ரிட்ஜ், தன் கையிலிருந்த வேத புத்தகத்தை கான்பித்து, இப்புத்தகத்தில் எழுதப்பட்டிருக்கும் உண்மை அதுவே என்று கூறி, ஒரு வேதாகமத்தை கொடுத்து தினமும் வாசிக்கும்படி அன்பாய் கேட்டுக் கொண்டார்.
வேதபுத்தகத்தை பெற்றுக்கொண்ட சுப்பிரமணி, பல நாட்கள் தொடர்ந்து வாசிக்க ஆரம்பித்தார்.
இப்படி வேதத்தை தினமும் வாசித்து, தன்னுடைய சந்தேகத்தையெல்லாம் குறித்து வைத்துக்கொண்டு, ஒவ்வொரு ஞாயிற்றுக்கிழமையிலும் சிறைச்சாலைக்கு பார்க்கவரும் ரிக்கன்பிரிட்ஜ் என்பவரிடம் கேள்விகள் கேட்டு விசுவாசத்தில் பலப்பட்டு, சிறைச்சாலையில் இருந்த மற்ற கைதிகளுக்கும் கிறிஸ்துவைப்பற்றி அறிவிக்க ஆரம்பித்தார்.
இந்நிலையில் சுப்பிரமணிக்கு தூக்குத் தண்டனை நிறைவேற்றும் நாள் குறிக்கப்பட்டது. இப்போது பிரிக்கன்ரிட்ஜை சந்தித்த சுப்பிரமணி, இயேசு கிறிஸ்து என் பாவத்தை எல்லாம் மன்னித்து விட்டார், நான் செய்த குற்றத்திற்கு தண்டனை அனுபவித்தே ஆக வேண்டும்; ஆனாலும் எனக்கு ஒரு நம்பிக்கை உண்டு இருக்கிறது, நிச்சயமாக நான் இந்த உலகத்தில் கண்களை மூடும் போதும் பரலோகத்தில் என் இயேசு கிறிஸ்துவை முகமுகமாக பார்ப்பேன் என்கிற நம்பிக்கை எனக்கு இருக்கிறது. ஆகவே நீங்கள் எனக்கு ஞானஸ்நானம் கொடுக்க வேண்டும் என்று வேண்டிக்கொண்டார்.
கைதியாய் இருந்த சுப்பிரமணியின் விருப்பப்படியே, தனக்கு சுவிசேஷத்தை அறிவித்த பிரிக்கன்ரிட்ஜ் என்பவர்பெயரையே கொடுக்க கேட்டுக்கொண்டதால் அவ்வாரே ஞானஸ்நானமும் கொடுக்கப்பட்டது.
சுப்பிரமணி என்ற பிரிக்கன்ரிட்ஜ், மிகுந்த மன மகிழ்ச்சியோடு தன்னுடைய தூக்குத்தண்டனையை குறித்து சற்றும் கவலைப்படாமல், கிறிஸ்துவுக்குள் தான் பெற்ற சந்தோஷத்தையும், மகிழ்ச்சியையும், சமாதானத்தையும், மற்ற கைதிகளுக்கும் அறிவித்துக்கொண்டே இருந்தார்.
இந்நிலையில் நாளைய தினத்தில் சுப்பிரமணிக்கு தூக்குத் தண்டனை நடைபெறும் என்று அறிவிக்கப்பட்டதால், சிறைச்சாலை அதிகாரிகள் உன்னுடைய கடைசி ஆசை என்ன என்று கேட்டார்கள். அப்பொழுது சுப்பிரமணி என்ற பிரிக்கன்ரிட்ஜ் 3 காரியங்கள் கேட்டுக்கொண்டார்.
அதன்படி, முதலாவது தான் ஒரு பாடலை எழுதியுள்ளதாகவும் அதை எல்லோர் முன்பாக பாட அனுமதிக்கவேண்டும் என்றும் இந்தபாடலை தனக்கு சுவிசேஷம் சொன்னவர்களிடத்தில் கொடுத்துவிடவேண்டும்என்றும் இரண்டாவது தான் சிறைச்சாலையில் இருக்கும் அனைத்து கைதிகளுக்கும் சிறைச்சாலை காவலர்களுக்கும் 15 நிமிடம் பிரசங்கம்பண்ணுவதை எல்லோரும் கேட்கவேண்டும் என்றும் மூன்றாவது ஒரு சிறிய ஜெபத்தை ஏரெடுப்பதையும் அனுமதிக்க வேண்டும் என்று கேட்டுக்கொண்டார். இதற்கு அனுமதி கொடுக்கப்பட்டது.
அப்பொழுது சுப்பிரமணி என்ற பிரிக்கன்ரிட்ஜ் தான் எழுதிய பாடலை பாடி, 15 நிமிடம் பிரசங்கம் செய்து, இற்தியாக ஜெபம் செய்துமுடித்தார். இயேசு கிறிஸ்து எப்படி என்னுடைய வாழ்க்கையை மாற்றினார் என்று தன்னுடைய சாட்சியையும்; நித்திய ஜீவனை குறித்த நம்பிக்கையை பேசியதில், பல கைதிகளும் சிறைச்சாலை அதிகாரிகளும் தொடப்பட்டார்கள். இதில் பலர் இயேசு கிறிஸ்துவை பற்றி அறிந்துகொள்ள விருப்பம் தெரிவித்தார்கள். இறுதியாக சுப்பிரமணி என்ற பிரிக்கன்ரிட்ஜ், அழைத்துச் செல்லப்பட்டு, கொலை குற்றத்திற்காக தூக்கிலிடப்பட்டார். இயேசுவை முகமுகமாய் தரிசிப்பேன் என்ற நம்பிக்கையோடு, தூக்குத்தண்டனையை சந்தோஷமாக ஏற்றுக்கொண்டார்.
சுப்பிரமணி என்ற பிரிக்கன்ரிட்ஜ் எழுதிய பாடல் இது...
*கீர்த்தனை*: இயேசு நேசிக்கிறார்
*இராகம்*: சாபுதாளம்
*ஆசிரியர்*: சுப்பிரமணி என்ற பிரிக்கன்ரிட்ஜ்
*கீர்த்தனை பாடல்*
இயேசு நேசிக்கிறார் – இயேசு நேசிக்கிறார் ;
இயேசு என்னையும் நேசிக்க யான் செய்த
தென்ன மாதவமோ!
சரணங்கள்
1. நீசனாமெனைத்தான் இயேசு நேசிக்கிறார்,
மாசில்லாத பரன் சுதன்றன் முழு
மனதால் நேசிக்கிறார் — இயேசு
2. பரம தந்தை தந்த பரிசுத்த வேதம்
நரராமீனரை நேசிக்கிறாரென
நவிலல் ஆச்சரியம் — இயேசு
3. நாதனை மறந்து நாட்கழித் துலைந்தும்,
நீதன் இயேசெனை நேசிக்கிறாரெனல்
நித்தம் ஆச்சரியம் — இயேசு
4. ஆசை இயேசுவென்னை அன்பாய் நேசிக்கிறார்;
அதை நினைந்தவர் அன்பின் கரத்துளெ
ஆவலாய்ப் பறப்பேன் — இயேசு