--ஓர் குட்டிக் கதை--
பகைமை உணர்வும்
பழி வாங்கும் குணமும்!!
ஒரு நாள் வகுப்பறையில் பாடம் நடத்திகொண்டிருக்கும் போது மாணவர்களிடம் இந்த கேள்வியை கேட்டார்
''மன்னிக்க முடியாத கோபம் யார் மீதேனும் இருக்கிறதா உங்களுக்கு? சந்தர்ப்பம் கிடைத்தால் யாரையேனும் பழி வாங்கத் துடிக்கிறீர்களா, நீங்கள்?'' - என மாணவர்களிடம் கேட்டார் ஆசிரியர்.
வகுப்பு மாணவர்கள் அனைவரும் ஒருமித்த குரலில் 'ஆமாம்... அய்யா' என்றார்கள். ஆசிரியருக்கு மிகுந்த வியப்பு, ஒவ்வொருவராக அழைத்து ''மன்னிக்கவும் மறக்கவும் முடியாத அளவுக்கு எத்தனை கோபங்கள் உள்ளன?'' என்று கேட்டார். ஒவ்வொருவரும் ஐந்து, பத்து என்று அடுக்கி கொண்டே சென்றார்கள்
மாணவர்களுக்கு பழிவாங்கும் எண்ணம் தவறு என்று புரிய வைக்க நினைத்தார் ஆசிரியர். ஒவ்வொரிடமும் ஒரு பையை கொடுத்தார் , வகுப்பறைக்கு ஒரு கூடையில் தக்காளி கொண்டுவரப்பட்டது. யார்மீது எத்தனை பழிவாங்கும் எண்ணம் உள்ளதோ அத்தனை தக்காளிகளை தாங்கள் பையில் எடுத்துகொள்ளுமாறு அறிவுறுத்தப்பட்டது.
இந்த தக்காளி பையை எப்போதும் கூடவே வைத்துக்கொள்ள வேண்டும், தூங்கும் போதும் அருகிலேயே வைத்திருக்கவேண்டும் என கட்டளையிட்டார். ஒன்றும் அறியாமல் தலையை ஆட்டினார்கள் மாணவர்கள் .
ஓரிரு நாட்கள் ஒரு குறையும் இல்லை. ஆனால், அடுத்தடுத்த நாட்களில் தக்காளிகள் அழுகி நாறத் துவங்கின. நாற்றம் அடிக்கும் பையுடன் வெளியே செல்ல மாணவர்கள் கூச்சப்பட்டனர். ஒரு கட்டத்தில்... ஆசிரியரிடம் சென்று, பைகளைத் தூக்கி எறிய அனுமதி கேட்டனர்.
மெள்ளப் புன்னகைத்த ஆசிரியர், ''நாற்றம் வீசுபவை தக்காளி மட்டுமல்ல அந்த நாற்றத்தைப் போலவே, உங்கள் பகைமை உணர்வும் பழி வாங்கும் குணமும் மனதுக்குள் அழுகி நாறிக் கொண்டிருக்கின்றன. ஆகவே, பகை- பழியை மறந்து மன்னித்து விடுவதாக இருந்தால், தக்காளி பையை தூக்கி எறியுங்கள்'' என்றார்! அப்போது தான் மாணவர்களுக்கு மனத் தெளிவு பிறந்தது.
To get daily story and pray for you contact +917904957814
அப்போதே தக்காளி பைகளை குப்பைத் தொட்டியில் வீசிய மாணவர்கள்,பகைமை மறந்து ஒருவரையருவர் ஆரத் தழுவி கொண்டு வகுப்பறைக்கு திரும்பினர்.
என் அன்பு வாசகர்களே,
"புகை நமக்கு பகை" என்ற பதத்தை கேள்விப்பட்டிருப்போம். புகை மாத்திரமல்ல பகையும் நமக்கு பகை தான். மற்றவர்கள் மீதுள்ள பகையை மறக்காமல் தங்கள் இருதயத்தில் சேமித்து வைப்பவர்கள் அழுகிய தக்காளியை 🍅 போல தங்களை அறியாமலேயே தங்கள் நாறடித்துக்கொண்டிருக்கிறார்கள்.
வேதத்தில் ஈசாக்கின் குமாரனாகிய ஏசா தன் மூடத்தனத்தால் தன் ஆசீர்வாதங்களை இழந்தது மாத்திரமல்ல, சொந்த சகோதரனாகிய யாக்கோபை பகைத்ததினால் அவர்கள் ஒருமித்து வாசம் செய்யகூடாமலிருந்தது. எனவே தன் சகோதரனை விட்டு பிரிந்து சென்றார் யாக்கோபு. ஆனால் ஏசாவோ பகையை மறக்காமல் தன் தகப்பன் ஜென்ம தினத்தில் அவன் வரும்போது அவனை கொலை செய்வேன் என்று எதிர்பார்த்து காத்திருந்தான்.
ஆனால் நடந்ததோ யாக்கோபு தன் சொந்த தேசத்திற்கு திரும்பி வரும்போது தன் பிள்ளைகள் படை சூழ சென்றான். சிறு பிள்ளைகளை கண்டால் உருகாத கரும்பாறை போன்ற உள்ளம் கூட பனியைப்போல கரைந்துவிடும். அதுபோலவே ஏசாவும் தன் பகையை மறந்து தன் சகோதரனாகிய யாக்கோபிடம் ஐக்கியமானான். வேதம் சொல்கிறது,
சங்கீதம் 8: 2
பகைஞனையும் பழிகாரனையும் அடக்கிப்போட, தேவரீர் உம்முடைய சத்துருக்களினிமித்தம் குழந்தைகள் பாலகர் வாயினால் பெலன் உண்டுபண்ணினீர்.
நம் மீது பகையாய் இருக்கிற பெற்றோர்கள்கூட பேரக்குழந்தைகளை காணும்போது அந்த பகைமை மறந்து ஐக்கியமாவார்கள் அவ்வளவு வலிமை கொண்டது குழந்தைகளின் அன்பு ஆகவேதான் தேவனும் குழந்தைகளை தங்கள் சிறுபிராயத்திலிருந்து தேவ அன்பில் வளர விரும்புகிறார். அவர்கள் மூலம் தான் பகைஞாகிய பிசாசை அடக்கிப்போட தேவன் கிரியை செய்கிறார்.
எனவே நம் பிள்ளைகளை தேவன் அன்பில் சிறுபிராயம் வளர்ப்போம் தேவ பெலனை தரிப்பிக்கச்செய்வோம்.